LAOAG CITY – Napadayawan ni Alapati Yimaier, agtawen ti 23 nga estudiante ti Changji University kalpasan a nakairekord isuna ti 388 skips iti jup rope iti uneg ti maysa a minuto a nagbalin a baro a Guinness World Record.
Iti sango ti sumurok 100 nga agad-adal ken mangisursuro, madanonda ti imposible a karit iti gymnasium ti unibersidadda.
Nangrugi ti hilig ni Alapati iti jump rope idi middle school.
Iti unibersidad, nakipaset isuna iti jump rope team iti babaen ken ni Coach Chen Bingjie a timmulong kenkuana iti panangasa ti teknik ken disiplina.
Idi 2024, nagballigi ni Alapati iti maysa a nailian a kompetision a nangipaay ti inspirasion tapno padasen ti Guinness World Record.
Iti aldaw mismo ti record breaking attempt, narikna ti tension iti gymnasium ngem inaramid amin ti kabaelan ni Alapati.
