LAOAG CITY – Natured a kinarit ni Colombian President Gustavo Petro ni US President Donald Trump a nawaya a mapan iti pagilian da tapno alaen.
Daytoy ket kalpasan a pinangtaan ti US President a possible nga isaruno na kalpasan ti iraraot da iti Venezuela a nagresulta iti pannakaarestar ni Venezuelan President Nicolas Maduro ken First lady Cilia Flores.
Inpetteng ni Petro a saan a pangtaan ken urayen na dagitoy kalpasan ti panangiparipirip ni Trump ti possible a military action iti Colombia.
Ak-akusaran pay ni Trump ti Colombian President a maipagarop a karaman iti metlaeng narco-terrorism a naikaso ken ni Maduro ken rumrumuar nga addaan pay ti pabrika ti cocaine, banag a naiget a naglikudan ni Petro ken ibilang na ti alegasyon nga awan ti pagibasaran na.
Nagpangta met ti Colombian President ken ni Trump a nakasagana nga agiggem manen ti armas para iti pagilian da.
Immunan a nagkari ti Colombian President a miyembro ti makattigid nga M-19 guerilla group, a saanen nga agiggem pay ti armas.
