LAOAG CITY – Saan nga ang-angaw ti baro a pagannurutan ti maysa a nalatak a comedy club iti Covent Garden, London no sadinno a maipawil ti sumrek dagiti audience nga addaan ti Botox.
Inpatungpal ti Top Secret Comedy Club ti inawagan da nga “expression test” kagiddan ti regular nga Identification check iti entrance.
Gagem ti nasao nga addang ket tapno masigurado a dagiti sumrek ket kabaelan da ti mangipakita ti emosyon iti rupa da bayat nga agbuybuya kadagiti agperform.
Basar iti liderato ti club, agrekreklamo dagiti komedyante gapu ta arigna nalamiis ken awan pulos ti reaksyon dagiti tattao, a daytoy ket saan a gapu ta saan a nakakatkatawa dagiti joke da no di ket gapu iti epekto ti Botox.
Ti Botox ket maysa a cosmetic injection a manglapped iti panaggaraw ti facial muscles.
