LAOAG CITY – Saanen nga ipalubos ti Commission on Elections kadagiti party-list organizations nga agusar kadagiti nagan nga adda ti pakainaiganna iti nalatak a TV shows ken tulong manipud iti gobierno wenno ayuda inton sumaruno nga eleksion.
Inbatad ni Commission on Elections Chairman George Garcia, paigetanda inton sumaruno nga eleksion gapu ta saanen nga husto ti nasao a panagusar kadagiti nalatak a telenovela a nagan.
Inlawlawagna a ti nasken nga agaplikar ti party-list ket nakalinya kadagiti ilunglungalongda nga adbokasia.
Naammoan a ti nasao nga addang ket kalpasan a nakaawatda ti pammabalaw mainaig kadagiti nagan ti Party-List no sadinno nga agus-usar dagitoy dagiti nalatak a TV shows ken dagiti nagan ti ayuda ti gobierno nga awan met ti pakainaiganna kadagiti adbokasia dagitoy.
