LAOAG CITY – Ginutigot ti Commission on Elections (COMELEC) ti Bangko Sentral ng Pilipinas (BSP) a tulungan isuda tapno labanan ti aniaman a klase ti vote buying inton Mayo 12.
Inbatad ni Commission on Elections Chairman Atty. George Garcia a maysa kadagiti wagas a mabalin nga aramidenda ket saan a palubosan ti asinoman a kliente nga agpasukat ti barya a mabalin nga usaren iti panaggatang ti butos.
Inlawlawagna a saan nga ipalubos ti Bangko Sentral ng Pilipinas nga agpasukat ti sag-P100 wenno P200 dagiti kliente, dua a lawas sakbay ti eleksion.
Iti nasao nga addang, mangnamnama ti Commission on Elections a makissayan ti agingga iti 25 a porsiento dagiti insidente ti panaggatang ti butos.
Mamati met ni Garcia a ti panaggatang ti butos ket saan a maiwayat iti maysa a bulan sakbay ti eleksion bago no di ket posible a maiwayat daytoy, dua nga aldaw sakbay ti panagpipili.
