LAOAG CITY – Ikonkonsiderar ti Commission on Elections (Comelec) ti agpila ti kaso kontra kadagiti adda iti likudan ti pannakaiwaras ti peke a dokumento wenno white paper tapno dadaelen ti integridad ti komisyon.
Iti press conference, inbatad ni Commission on Elections Chairman George Garcia a nakasagana da a sangwen dagiti awan ti pagibasaran na nga alegasyon.
Kinarit pay ni Garcia dagiti mangak-akusar kadakuada a mangipakita ti ebidensya iti korte.
Inpetteng ni Garcia a ti panagiwaras kadagiti makadadael nga akusasyon ket rumbeng nga adda ti kaibatugan na a pannusa.
Kumpiyansa ti Commission on Elections a ti agdama nga imbestigasyon ti nagduduma nga ahensya ket mangipaneknek a dagiti alegasyon ket agpapada nga awan ti pagibasaran na.
Inpasigurado ti komisyon nga amin nga agiwarwaras ti inuulbud nga impormasyon ket agsungbat iti linteg.
Kabayatanna, inpatalged ni Garcia nga agtalinaed da a natibker kadagiti pada na a komisyuners, empleyado ken filed officer kangrunaan na ket manarimaan ti preparasyon da para iti mapaspasangasangan nga eleksyon.
