LAOAG CITY – Ikkan latta ti Commission on Elections (COMELEC) ti gundaway dagiti 117 nga aspirant wenno dagiti nagipila iti Certificate of Candidacy (COC) para iti kinasenador tapno idepensada ti bagbagida mainaig iti posible a pannakadiskualipikar da gapu iti panagbalinda a nuisance candidate.
Daytoy ti impasigurado ni Commission on Elections Chairman George Erwin Garcia kalpasan nga inruarna ti umuna a listaan dagiti nagan a mabalin a mairaman iti balota para iti 2025 midterm elections.
Segun ken ni Garcia, paset daytoy ti due process tapno adda gundaway dagiti aspirants a mangpaneknek a lehitimo da met laeng a kandidato.
Karaman iti listaan ket da Kingdom of Jesus Christ founder ken lider a ni Pastor Apollo Quiboloy, ken dadduma pay a personalidad kas iti TV host a ni Willie Revillame, ti aktor a ni Philipp Salvador, ti abogado ken kumakanta a ni Jimmy Bondoc nga agpapada a kandidato iti kina-senador para iti 2025 midterm elections.
