LAOAG CITY – Adda ti 55 a kontraktor ti maipagarop a nangipaay ti campaign donations idi 2022 elections ti im-imbestigaren ti Commission on Elections.
Inbatad ni Comelec Chairman George Garcia a kiniddaw ti Department of Public Works and Highways (DPWH) ti kumpirmasyon manipud iti Political and Finance Affairs Department ti komisyon mainaig iti iligal a donasyon manipud kadagiti contractors.
Rumrumuar nga adda ti tallo a kontraktor ti maikonkonektar kadagiti kandidato a ti posisyon ket nangatngato pay ngem iti nagkandidato a senador.
Inlawlawag na nga adda ti bukod da nga isaysayangkat nga imbestigasyon ken saan da nga agdependar laeng iti panagdengeg ti Senado kasta met iti Independent Commission for Infrastructure (ICI).
Dinakamat pay ti COMELEC chair a nagatendaren ti pannakabagi ni Lawrence Lubiano, ti presidente ti Centerways Construction and Development Inc. tapno ipalawag ti campaign donation na kenni Senator Francis Escudero idi 2022 elections.
Manamnama met ti panang-paayab da kenni Escudero iti sumarsaruno nga aldaw tapno lawlawagan na ti nasao nga alegasyon.
