LAOAG CITY – Inadmitir ti Commission on Elections (Comelec) a nabayag dan a problema ti nababa a voter turnout iti overseas voting.
Segun ken ni Comelec spokesperson James Jimenez, daytoy ti rason no apay nga ilunglungalong da ti internet voting.
Mamati ni Jimenez a ngumato ti voter turnout iti overseas voting no maipalubos ti panagbotos babaen ti internet.
Inlawlawag ni Jimenez a marigatan ti sumagmamano a Pilipino idiay abroad a mapan iti embahada wenno konsulada kangrunaan na no adayo iti pagnanaedan da.
Iti agdama,inbatad ti opisyal nga ipinpinal da pay laeng ti rekomendasyon da iti Kongreso ken mangnamnama a kadagiti sumarsaruno a tawen ket mabalin ton ti internet voting iti ballasiw taaw.
