LAOAG CITY – Mangnamnama ti Commission on Elections (Comelec) a matuloy ti eleksion iti Bangsamoro Autonomous Region in Muslim Mindanao (BARMM) ita a tawen.
Inadmitir ni Commission on Elections Chairman George Erwin Garcia a no bilang saan a matuloy ti 2026 Bangsamoro Autonomous Region in Muslim Mindanao elections ket aguray pay ti baro a linteg tapno ikeddeng ti nasao nga eleksion.
Kiniddaw ni Garcia a no ituloy ti eleksion iti Bangsamoro Autonomous Region in Muslim Mindanao ket nasken nga ita a tawen ken saan nga inton 2027.
Inlawlawagna nga agbalin a makumikom ti Commission on Elections inton 2027 gapu iti panagsagsagana iti 2028 national and local elections.
Mangnamnama ni Garcia a saan nga igiddan ti Bangsamoro Autonomous Region in Muslim Mindanao elections inton 2028 gapu ta posible nga agikamakam wenno agdobleda ti trabaho nangruna ket daytoy ti kaunaan a parliamentary elections a maisayangkat iti Mindanao.
