LAOAG CITY – Kinumpirmaran ni Comelec chairman Sheriff Abas nga iyalud-od ti Commission on Elections ti voter registration manipud October 9 agingga iti 31.
Segun kenni Abas, ti inisyal a plano, maiyuswat ti pannakaiyalud-od ti panagparehistro kalpasan ti panagipila ti kandidatura a mangrugi intono Oktubre 1 agingga iti Oktubre 8.
Naamoan a ti extension ti registration ket agpatingga met intono Oktubre 31.
Inlawlawag ni Abas a ti desisyon a maisubli ti panagparehistro intono Oktubre 9 ket gapo ta sigurado a makumikom ken ado ti trabaho da para iti panagawat ti COCs dagiti agkandidato iti nagduduma a paset ti pagilyan.
Kunana nga iti Comelec, awan a pulos ti nangibaga a pabor da iti pannakaiyalud-od ti panagparehistro ngem binalanse da ti sitwasyon.
