LAOAG CITY – Target ti Commission on Elections ti basbassit a listaan ti party-list groups a makipaset inton May 2025 midterm elections.
Segun ken ni Commission on Elections Chairman George Erwin Garcia, gagem ti poll body a kissayan ti bilang ti party-list groups nga agbibinnalubal no sadino agbalin laengen a 130 mangrugi iti eleksion inton sumaruno a tawen tapno dagiti laeng pannakabagi ti marginalized ken underrepresented ti makipaset.
Iti napalabas a May 2022 elections ket adda iti pakabuklan a 177 a party-list organizations ti nakipartisipar.
Kalikagum pay ti komision a liklikan ti atiddog nga official ballot para iti midterm elections.
Mainaig iti daytoy, mangipatungpal ti Commission on Elections ti naig-iget a pagannurutan iti accreditation ti baro a party-list groups.
Iti agdama, kuna ni Garcia nga addan ti na-dismiss a 130 a petisyon ti registration manipod iti nasurok-kumurang a 200 nga aplikante no sadino 17 pay laeng ti accredited manipod iti pakabuklan a bilang dagiti party-list applicants.
