LAOAG CITY – Kinissayan ti Commission on Elections ti aldaw iti withdrawal ti Certificate of Candidacy ken panangipila ti substitute candidates para iti 2025 elections.
Inbatad ni Commission on Elections Chairman George Erwin Garcia, gagem daytoy tapno maliklikan dagiti political groups a gundawayan ken lukuen dagiti tattao no asino ti pudno a kandidatoda.
Intuding ti Commission on Elections ti Oktubre 8 para kadagiti kandidato a mangipila ti kandidaturada kas substitute candidate.
Innayon pay ni Garcia a manipod iti Oktubre 1 agingga 8 ket isu ti period ti panangipila ti candidacy, palubusanda nga ag-withdraw dagiti kandidato ngem kalpasan ti Oktubre 8 ket awanen ti panagsinnukat ti kandidato.
