LAOAG CITY – Mamati ti Commission on Elections nga itantan ni Presidente Ferdinand Marcos Jr. ti Barangay ken Sangguniang Kabataan Elections inton bulan ti Disiembre.
Inbatad ni Commission on Elections Chairman George Garcia mabalin nga aprobaran ti Presidente ti gakat nga iyalud-od pay ti termino dagiti Barangay ken Sangguniang Kabataan officials.
Naammoan a no mapasamak daytoy ket agresulta iti pannakaitantan ti Barangay ken Sangguniang Kabataan Elections.
Kuna ni Garcia nga awan ti aniaman nga indikasion a mabalin nga i-veto ti Presidente ti nasao a nailungalong a gakat.
Kabayatanna, no bilang a maitantan daytoy ket inbatad ni Garcia a maikkanda ti at-atiddog a panawen tapno makapagsaganada.
