LAOAG CITY – Mangrugin intono Marso 28 ti kampanya dagiti local candidates para iti 2025 Midterm Elections.
Daytoy ti inbatad ni Atty. Julius Balbas, ti Commission on Election Officer ditoy ciudad ti Laoag.
Kuna na a kagiddan iti daytoy ket maiyuswat ti Operation Baklas.
Gapu iti daytoy, inbalakad ni Balbas kadagiti kandidato ditoy ciudad ti Laoag a mapan da mangala ti listaan iti opisina da no sadinno laeng dagiti lugar a mabalin da a pagikabilan kadagiti campaign materials da.
Innayon na a babaen iti maiyuswat a Operation Baklas kete maikkat amin dagiti campaign materials a naikabil kadagiti saan nga umiso wenno otorisado a lugar.
Kabayatanna, mangnamnama ni Balbas nga awan ti agbalin a problema iti panangrugi ti kampanya para kadagiti local candidates agingga a malpas ti eleksyon.
