LAOAG CITY – Mangnamnama ti Commission on Elections nga agtalinaed a green category ti probinsya agingga a malpas ti eleksyon.
Segun kenni Atty. Joel Gines, ti Commission on Election supervisor ditoy probinsya, kayat a sawen ti green category ket awan ti aniaman a problema wennu concern ti probinsia mainaig iti mapaspasangasangan a midterm elections.
Kuna na pay nga awan ti kinapudno na a ti probinsya ket na downgrade manipod yellow ket naikabil iti green category.
Kabayatanna, nagpanawagan manen ni Gines kadagiti amin a kandidato a kitaen da dagiti lugar a pagikabkabilan da kadagiti poster da ken amwen da ti usto a kadakkel dagitoy.
