LAOAG CITY – Inpakaammo ni Atty. Juluis Balbas, ti Commission on Elections officer ditoy siudad ti Laoag a naisangpeten dagiti “ballot box” a mausar intono eleksyon ditoy ciudad.
Inbatad na nga isuda iti mangkita wenno mangprotehir kadagitoy agingga iti pannakaikabil da kadagiti polling precinct .
Mainaig iti daytoy, kuna ni Balbas a sumaruno metten a sumangpet dagiti Automated Counting Machine wenno ACM pakairamanan dagiti form wenno ballota a mausar intono kaaldawan ti eleksyon.
Segun pay ken ni Atty. Balbas, manamnama a maited dagiti ballot box kadagiti respected voting center ditoy ciudad sakbay iti Mayo 7 nga isu iti naikeddeng nga aldaw a panangtesting da iti nasao a machine.
Innayon na nga iti agdama ket manarimaan iti panangkita da a naimbag kadagiti listaan dagiti nagnagan a rumbeng a maikkat kas kuma kadagiti pimmusay, nagtransfer ken dadduma pay tapno maplastar a naimbag ken nadaldalos ti listaan para iti umay nga eleksyon.
