LAOAG CITY – Binalakadan ti Commission on Elections (Comelec) dagiti napili nga indibidwal mainaig iti local absentee voting a maiyuswat intono Abril para iti 2025 elections.
Inbatad ti Comelec nga amin a government officials ken empleyado karaman dagiti miyembro ti Philippine National Police (PNP), Armed Forces of the Philippines (AFP) ken media practitioners, karaman dagiti technical ken support staff da a temporaryo a naka-assigned tapno annungen ti election duties wenno tapno icover ti pannakaiwayat ti eleksyon ket mabalin gundawayan da da ti local absentee voting para iti maiyuswat a panagbotos ita a tawen.
Kuna ti ahensya a dagiti manggundaway iti absentee voting ket mabalin nga agpila ti aplikasyon na, saan a nalablabes ngem Marso 7 ita a tawen.
Innayon ti Comelec a mabalin nga agpila dagiti maseknan ti aplikasyon da iti head offices, supervisors, commanders wenno officers a next-in-rank.
Ti Local Absentee Voting ket maiyuswat intono Abril 28, 29, ken 30 iti oras ti alas-otso ti bigat agingga iti alas-singko iti malem.
