LAOAG CITY – Saan a paigetan ti Commission on Elections (COMELEC) dagiti kandidato nga agatendar kadagiti graduation ceremony kangrunaanna kadagiti incumbent officials nga imbitaran dagiti pagadalan no sadinno a maikkan isuda ti gundaway a mangipaay ti rakurak.
Nupay kasta, nagpalagip ti Commission on Elections, saan koma a gundawayan nangruna ket ti seremonia ket para kadagiti agturpos nga estudiante ken saan a para kadakuada.
Naammoan nga uray kaaduan a mai-imbitaran iti graduation ceremony ket iti elementary ken high schools no sadinno a saan met pay laeng nga agbutos dagiti estudiante, naruay met a nagannak ti agatendar iti seremonia.
Malaksid iti daytoy, naminsan manen a nagpanawagan ti Commission on Elections kadagiti kandidato a saanen a gandaten pay nga agikabil kadagiti campaign posters iti aglawlaw dagiti pagadalan gapu ta naiget daytoy a maipawil iti babaen ti pagannurotan iti panagkampania.
