LAOAG CITY – Nagpanawagan ti Commission on Elections iti publiko a bantayan dagiti pulitiko a mangrugrugin a mangiyuswat ti political advertisements wenno premature campaigning uray saan pay a nangrugi ti campaign period para iti May 2025 national and local elections.
Iti maysa nga interview, inpetteng ni Elections chairman George Garcia a naiget a maipawil ti premature campaigning.
Inlawlawag na a mandato laeng ti komisyon nga ipatungpal ti linteg.
Immunan nga inrakurak ti poll body idi Marso ti plano na a mangipatungpal ti ban iti premature campaigning para iti maiyuswat nga eleksyon iti sumaruno a tawen.
Daytoy ket kalpasan a balligi nga ipatungpal ti poll body ti premature electioneering prohibition bayat ti Barangay ken Sangguniang Kabataan Elections idi 2023.
Inrakurak daytoy ni Garcia kalpasan a naobserbaran na a nangrugin a nangiparuk-at kadagiti advertisement ti sumagmamano a pulitiko iti telebisyon ken social media.