LAOAG CITY – Nakairekord ti 161,000 nga aplikasion ti Commission on Elections (Comelec) iti babaen ti Register Anywhere Program para iti kaunaan a Bangsamoro Autonomous Region in Muslim Mindanao Parliamentary Elections (BARMM).
Iti inpakita a datos ni Commission on Elections Chairman George Erwin Garcia, adda ti pakabuklan a 161,429 ti aplikasion a naiproseso ti Commission on Elections sipud idi Pebrero 19 agingga iti maudi nga aldaw ti voter registration idi Marso 31.
Iti nasao a bilang, adda ti kaadoan a nagparehistro iti Lanao del Sur nga addaan ti 50,918 a sinaruno ti Maguindanao del Norte a nakairekord ti 31,666.
Umabot iti 26,175 iti Maguindanao del Sur idinto a 21,734 met iti Basilan.
Iti Special Geographic Area, adda laeng ti 16,505 ken nakairekord ti kababaan a bilang dagiti nagparehistro iti Tawi-Tawi.
Naikeddeng ti pannakaisayangkat ti Bangsamoro Autonomous Region in Muslim Mindanao Parliamentary Elections inton Setiembre 14.
