LAOAG CITY – Nakasaganan ti Commission on Elections para iti panangipatungpal da ti Oplan Baklas intono bigat ditoy probinsya, kagiddan ti panangrugi ti kampanya para kadagiti local positions.
Daytoy ti inbatad ni Atty. Joel Ginez, ti Commission on Election supervisor ditoy probinsya.
Segun ken ni Ginez, iti oras ti alas-sais ti bigat ket adda danton iti sango ti kapitolyo probinsyal para iti panangrugi dan nga agsursur tapno ikkaten dagiti campaign materials a naikabil kadagiti saan nga otorisado a lugar.
Innayon na a magudwa ti grupo da iti panagsursur da ken kadwa da ti Philippine National Police iti isayangkat da nga Operation Baklas.
