LAOAG CITY – Namnamaen ti Commission on Elections (Comelec) nga umabot iti uppat a million ti agparehistro para iti 2028 national ken local election (NLE).

Inbatad ti ahensia a ti immuna a target-na ket 3 million a baro a botante ngem gapu iti kinaado dagiti agsangpet nga agkalikagum nga agparehistro ket namnamaenda nga umabot daytoyen iti uppat a million.

Kabayatanna, iti agdama, umaboten iti 140,000 agingga 150,000 ti pakabukelan dagiti nakapagparehistron sipud idi nangrugi ti panagparehistro idi Nobiembre 10 iti daytoy a tawen.

Immunan iti daytoy, ginutigot ti ahensia ti publiko ti nasapa a panagparehistroda tapno malilklikan ti agikamkamakam a masansan a mapaspasamak iti tunggal aglukat ti panagparehistro.