LAOAG CITY – Nangipatulod ti Commission on Elections (Comelec) ti surat iti Korte Suprema a mangipakaammo maipapan iti panangrugi ti pannakayimprenta dagiti opisial a balota para iti 2025 national and local elections (NLE).
Segun ken ni Comelec Chairperson George Erwin Garcia a daytoy ket tapno maipakaammo iti Korte Suprema dagiti mapaspasamak iti panagsagana para iti midterm polls ita a tawen.
Kunana pay nga amin a garaw ken desisyon ti Commision on Elections ket masapul a maamwan ti Korte Suprema.
Maipalagip a sumagmamano nga aspirants iti 2025 national and local elections agraman ti dati a pannakabagi ti Caloocan a ni Edgar Erice ti nagkiddaw iti relief manipud iti High Court maipapan iti disqualification ti poll bid-da.
Kabayatanna, rugian ti Comelec ti panagimprenta ti 73 a milion a balota inton Lunes, Enero 6, 2025 agingga iti Abril 14, 2025.
