LAOAG CITY – Kinumpirmaran ni Atty. Alipio Castillo, ti Provincial Election Officer a nangipila ti Commission on Election (comelec) ti petisyon a mangidekdeklara kenni Mr. Ferdinand Lagundio iti ili ti Pasuquin kas nuisance candidate.
Ni Lagundino ket nagpila ti Certificate of Candidacy (COC) na iti kina-bise presidente para iti eleksyon 20022.
Segun kenni Castillo, karaman kadagiti nagbasaran ti Comelec a saan a seryoso a kandidato ni Lagundino ket awan ti kapasidad na para iti seryoso a posisyon ken awan ti kapabilidad na mainaig iti panagkampanya.
Rakurak daytoy ni Castillo kalpasan ti pannakisarita na iti Comelec en Banc ken Comelec Law Department.
Inpalgak na a kalikagom ti Comelec a malimitaran ti listaan dagiti kandidato kadagiti dua a kangatoan a posisyon.
Mainaig iti daytoy, inpetteng ni Castillo a pudno nga adda ti karbengan ti siasinno man nga agkandidato iti anyaman a posisyon ngem masapol met a matingiting a nalaing ken saan a rumbeng a pagga-angawan daytoy a banag.
