LAOAG CITY – Nangiyuswat ti Commission on Elections (Comelec) ti “Task Force Katotohanan, Katapatan, Katarungan” tapno malabanan ti misinformation ken disinformation para iti mapaspasangasangan a May 2025 midterm elections.
Basar iti poll body, ti “Task Force Katotohanan, Katapatan, Katarungan”, ti agmonitor ken agregulate kadagiti nai-post ken nai-publish a linaon iti quadri-media (TV, radyo, print ken online).
Irekomendar pay ti Task Force Katotohanan, Katapatan, Katarungan” ti pannakausig dagiti mangipapaay ti misinformation, disinformation ken aan nga usto nga impormasyon, kasta pay dagiti malicious actors iti panagraira ti artificial intelligence ken deepfakes.
Inpetteng pay ti ahensya a ti pannakabuwangay ti task force ket gagem na a masalwadan ti integridad ti Commission on Elections.
Opisyal a naiyuswat ti Task Force Katotohanan, Katapatan, Katarungan” iti maysa a forum a “Philippine Elections and AI” iti University of the Philippines College of Law iti Quezon City.
