LAOAG CITY – Natay ti Commission on Elections Officer iti ili ti Piddig kabayatan iti panagbitlana iti naisayangkat nga Unity Walk, Oplan Timpuyog, Interfaith Prayer and Peace Covenant Signing para kadagiti amin a kandidato iti 2025 Midterm Elections.
Nabigbig ti biktima a ni Ms. Judy Adriano, adda ti umno a tawen ken residente ti Barangay 4 San Guillermo ditoy siudad ti Laoag.
Basar iti inisyal nga imbestigasion, kabayatan ti panagbitla ti Commission on Elections Officer iti ili ti Piddig ket kellaat daytoy a naulaw ken naawanan ti puot.
Mainaig iti daytoy, insigida nga inarayat ni P/Maj. Khristian Lee Badua, Hepe ti Piddig Municipal Police Station ken naitaray iti Piddig District Hospital para iti pannakatamingna ngem naiyakar iti Roque B Ablan Sr. Memorial Hospital ditoy siudad ti Laoag.
Naideklarar a dead on arrival ti biktima babaen ti attending physician a ni Dra. Nema Queja.
Kabayatanna, rumrummuar a rason ti pannakatay ni Adriano ket gapu iti Probably Acute Myocardial Infarction, Diabetes Mellitus 2 and Hypertension wenno maipagarup a naatake iti puso.
