LAOAG CITY – Pinalagipan ti Commission on Elections (COMELEC) ang dagiti agdama a lokal nga opisial a nagpaidasig para iti 2025 National and Local Elections.
Inbatad ni Commission on Elections Chairman George Garcia a tapno maliklikan dagiti lokal a kandidato nga isuda ket maireklamo gapu iti panagusar ti pundo ti ilida ket nasken nga ikkatenda dagiti ladawan kadagiti posters a proyekto iti pagserserbianda a lugar.
Inlawlawagna a saan a maliklikan nga ikkan ti nagan dagiti posters ngem saanen a napintas no ikkan pay ti nagan dagiti maseknan a kandidato.
Kunana a mabalin a ti panagkita dagiti incumbent official a maysa daytoy a klase ti pakdaar ngem iti mata dagiti kabinnalubalda ket maysa a klase ti panangpulitika a us-usaren ti pundo iti ilida.
Inadmitir ni Garcia a kabayatan nga umas-asidegen ti panagkampania dagiti lokal a kandidato ket umad-adu metten dagiti aglablabsing.
