LAOAG CITY – Rinugianen ti Commission on Elections (COMELEC) a sukimaten dagiti certificate of candidacy (COC) dagiti kandidato a senador iti 2025 midterm elections.
Kinuna ni Comelec Chairperson George Erwin Garcia, basar iti initial assessment, kadagiti 183 a certificate ofcandidacy a naawatda para iti kinasenador, 66 laeng ti lehitimo ken posible a mairaman iti listaan dagiti kandidato.
Natakuatan a dagiti dadduma a certificate of candidacy dagiti dadduma a kandidato ket addaan iti nagduduma nga isyu.
Ngem inlawlawag ni Garcia a saan pay a na-finalize ti nasao a numero gapu ta umaw-awat pay laeng ti Commission on Elections wenno COMELEC kadagiti petisyon para iti pannakakanselar ti certificate of candidacy.
Kabayatanna, naiyalu-od met ti deadline ti ti panagisubmitir kadagiti petision kontra kadagiti nuisance candidates a nangipila iti certificates of candidacy (COC)da kabayatan ti panagipila ti kandidatura.
Manamnama nga agngudo daytoy inton Oktubre 16, 2024 iti oras ti alas singko ti malem.
