LAOAG CITY – Rugianen ti Commission on Elections (COMELEC) ti panagimprenta dagiti balota para iti naikeddeng nga special election iti maikadua a distrito ti Antipolo City inton Marso 14.
Basar iti Commission on Elections Ballot Production Committee, maiyuswat ti panagimprenta ti 252,793 nga opisial a balota ken accountable forms ita nga aldaw Pebrero 20 iti National Printing Office idiay Diliman, Quezon City.
Target ti Commission on Elections a malpas iti uneg laeng ti maysa nga aldaw ti pakabuklan a panagimprenta tapno masigurado ti alisto a pannakaipatulod dagiti balota sakbay ti eleksion.
Inpasigurado ti Commission on Elections ti maysa a transparent ken natalged a proseso ti panagimprenta tapno mapagtalinaed ti integridad ti eleksion.
Nagutigot dagiti observer ken kameng ti media nga agmonitor iti maisaysayangkat a panagimprenta maiyataday iti naikeddeng nga schedule para iti eleksion inton Marso 14.
Maipalagip a maiwayat ti special election tapno malitopan ti nabakantean a puesto iti Kamara de Representantes para iti maikadua a distrito idiay Antipolo City.
