LAOAG CITY – Inpetteng ni Atty. Marlon Wayne Manuel, legal counsel ti gobierno iti ciudad ti Laoag a ti laeng Commission on Audit (COA) ti makapaneknek ti alegasyon a dimmanon iti Bombo Radyo.
Daytoy ket mainaig ti maipagarop nga overpriced ti pannakagatang dagiti service vehicles iti gobierno ti ciudad ti Laoag kangrunaan na iti opisina ti search ken rescue team nga idaulwan ni Doctor Melvin Manuel.
Inlawlawag ni Manuel a dimmalan ti bidding ti pannakagatang dagiti service vehicles ken kwalipikado met dagiti suppliers.
Innayon na a makaammon ton ti COA no kumpirmado ti dimmanon nga alegasyon iti Bombo Radyo wenno saan.
Inpasingked ni Manuel a nakasagana da a mangidatag amin kadagiti dokumento no mapan aginspeksyon ti COA seknan ti daytoy a banag.
Nupay kasta, kalikagom ni Manuel a dumatag ken mangipakita met ti ebidensya ti nangidanun ti alegasyon na iti bombo radyo gapu ta unfair met iti gobierno iti ciudad ti Laoag.
Rumrumuar nga umab-abot ti 6 a milyon a pisos ti naigatang kadagiti nasao a service vehicles iti ciudad ti Laoag.
