LAOAG CITY – Inbatad ti Commission on Election (Comelec) a saan a mandatory wenno inkapilitan ti partisipasyon dagiti national at local candidate iti election debates.
Segun ken ni Commission on Election Chairman George Garcia a ti panagsanud ken panagkedked dagiti kandidato nga agatendar ti debate ket awan iti pagannurutan gapu ad-adalen paylaeng ti ahensya ti konstitusyunalidad na.
Mainaig iti daytoy, kuna ni Garcia a saan a mangorganisar ti Commission on Election ti debate para iti May 12 midterm elections.
Nupay kasta, adda dagiti dadduma a grupo ken organisasyon a mangiyuswat ti debate isut gapuna nga addan kadagiti kandidato no agatendar da wenno saan.
Innayon na a masapol met a siguradwen dagiti organizers nga imbitaran da amin a kandidato a makipaset iti election debates.
