LAOAG CITY – Nagpalagip ti Commission on Elections (Comelec) kadagiti kandidato para iti Midterm Elections a naiget a maipawil ti panagkampanya kabayatan ti semana santa kangrunaan na iti hwebes ken biernes santo.
Inbatad ni Commission on Elections chairman George Erwin Garcia a masapol a respetaren dagiti kandidato ti solemn ken religious activity.
Maipalagip nga intuding ti Comelec Resolution No. 11086, ti rules and regulations para iti Republic Act No. 9006 wenno ti Fair Elections Act no sadinno a naka-schedule ti panagkampanya ti national candidates manipod Pebrero 11 agingga iti Mayo 10.
Kabayatanna, ti met panagkampanya para iti local positions ket nangrugi idi Marso 28 agingga iti Mayo 10.
Nupay kasta, saan a mapalubusan dagiti kandidato nga agkampanya iti Abril 17 (hwebes santo) ken April 18 (biernes santo), kasta pay iti Mayo 11 a bisperas ti eleksyon ken iti Mayo 12 a kaaldawan ti panagbotos.
Segun ken ni Garcia, mabalin dagiti kandidato ti makipartisipar iti religious activities ngem masapol a non-partisan.
Innayon na a ti pananglabsing iti prohibition ket maikonsiderar kas election offense ken adda ti maipataw a pannusa kas nailanad iti babaen ti Sections 263 ken 264 ti Omnibus Election Code.
