Target ti Commission on Elections nga ipawil ti pangusar ti Artificial Intelligence kas campaign materials para iti 2025 midterm elections.
Karaman kadagiti inrekomendar ni Commission on Elections Chairman George Erwin Garcia iti Comelec En Banc ket ti pannakaiparit ti panagusar iti deepfake iti panagkampania dagiti kandidato.
Daytoy ket iti baet iti panagamak ken ballaag a mabalin nga ipaay ti Artificial Inteligience Technology ken dagiti deepfakes a mabalin a makatulong iti saan nga umiso nga impormasion, panagirepresentar, ken mabalin met a mangapektar iti integridad ti eleksion, kredibilidad dagiti opisial tii publiko, kandidato, ken uray dagiti mangimatmaton iti eleksion.
Dagitoy ti rason no apay a kayat ni Garcia a kombinsiren ti Commission en Banc a permanente nga ipawil ii panagusar kadagiti deepfake, ken Artificial Intelligience iti panagkampanya.
Kabayatanna, inpeksa ti Department of Information and Communications Technology a nakasagana a mangsupsuporta iti Commission on Elections tapnu malapdan dagiti deepfakes a mangimpluensia iti national ken lokal nga eleksion inton sumaruno a tawen.
