LAOAG CITY – Kalikagum ti chairman ti Committee on Tourism a maaddaan iti environmental fee ti Sand Dunes iti Brgy. Talingaan ditoy ciudad ti Laoag.
Segun kenkuana, ado dagiti turista nga agturturong ditoy ciudad ti Laoag kangrunaan na iti sand dunes.
Inbatad na a sipud idi nalukatan ti sand dunes ket awan iti mabaybayadan nga environmental fee.
Kunana a no adda iti makolektar nga environmental fee ket dakkel makatulong gapu ta adda ti pangalaan dagiti operators ken barangay iti usaren da pangpapintas iti daytoy ken tapno agtalinaed a nadalos iti aglawlaw.
Basar ti chairman ti komite, 25 pisos iti manamnama a makolektar nga environmental fee no bilang aprubaran ti konseho ditoy ciudad ti Laoag.
