LAOAG CITY – Ipatuloden ti report iti House Committee on rules kalpasan nga inaprobaran nga “unanimously” ti amended committee report iti dua nga impeachment complaints kontra ken ni Vice President Sara Duterte.
Ti komite ti responsable tapno mairaman iti order of business ti panangtalantan iti report iti plenario.
Iti kanito a maiyuli iti plenario, daytoy ket i-sponsor dagiti opisial ti komite ken mabalin a kwestionaren ti dadduma pay a miembro ti Kamara de Representantes a napaay a tingitingen dagiti reklamo idi daytoy ket dengdenggen pay laeng iti Justice Committee.
Inbatad ni Justice Committee chair Rep. Gerville Luistro, ti plenary session inton Mayo 11 ti aldaw para kadagiti miembro ti Kamara de Representantes tapno ammoen no aprobaran wenno saan ti committee report.
Ita nga aldaw ket pormalen nga inaprobaran ti amin ti 55 a miembro ti Justice committee ti amended committee report a nakakita ti probable cause tapno i-impeach ni Vice President Sara.
