LAOAG CITY – Naiget ti naipaay a seguridad iti ibibisita ti common-law wife ni Presidente Rodrigo Duterte a ni Cielito “Honeylet” Avanceña iti ili ti Currimao.
Daytoy ti inbatad ni Police Capt. Michael Permison, OIC Chief of police iti ili ti Currimao ken ili ti Pinili.
Segun kenni Permison, manipod iti Laoag International Airport (LIA) ditoy ciudad ti Laoag ket nagderetso ti grupo ni Avanceña iti ili ti Pinili ken binisita na ni Lola Magdalena Galinato Gamayo a napadayawan idi 2012 kas Gawad Manlilikha ng Bayan kas National Artist a kangatoan pammadayaw nga ipapaay ti National Commission Culture and the Arts.
Kalpasan iti daytoy, nagturong ni Avanceña iti maysa a resort iti ili ti Currimao gapu ta inimbitaran ni Doctor Joven Cuanang a nasinged a pagayam na.
Kuna ni Permison nga awan pay maysa nga oras ti panagtalinaed Avanceña iti resort gapu ta kalpasan ti panagsarita da ken ni Doctor Cuanang ket rimuaren daytoy ken nagdetson iti erupuerto.
