LAOAG CITY – Naglikudan ni Mrs. Fe Felipe, miyembro ti barangay lupon iti Brgy. Pila ditoy siudad ti Laoag ti alegasyon kontra kenkuana a maipagarup a 24 nga oras ti operasyon ti computer shop da iti baet ti implementasyon ti enhanced community quarantine.
Kuna na a manipud idi nagtataripnong da iti barangay idi Marso 18 seknan ti implementasyon ket inpasardeng na ti panagpaay-ayam iti computer shop.
Segun kenni Felipe, ti computer shop ket kukua ti balasang na.
Mainaig iti daytoy, patyen ni Felipe a dagiti pinawilan na a naggaayam ti basketball ken dagiti agsasarita iti kubo ti nagreklamo kontra kenkuana.
Inbatad na a nakita pay dagiti pannakabagi ti City Health Office dagiti maseknan a nagsasarita ken nagay-ayam ti basketball idi nagturong da iti barangay da tapno imonitor kadagiti naka-quarantine a kabarangayan na.
Innayon ni Felipe a ti apoko na laeng ti agay-ayam ti computer ken nakaserra da.
Iti mainaig a damag, inpetteng ni Barangay Chairman Erlinda Foster iti Brgy. Pila ditoy siudad ti Laoag nga amin dagiti negosyo malaksid dagiti essential business ket naparekepan.
Kuna na a ti computer shop ni Mrs. Fe Felipe a miembro ti barangay lupon ket saan nga esential business rason a karaman kadagiti nairekep.
Kiniddaw na a saan a maulit ti insidente a pannakaireklamo ni Felipe.
