LAOAG CITY – Mapranpraning ni Ilocos Norte 1st District Rep. Rodolfo Fariñas kadagiti annak ni dati a Sen. Bongbong Marcos.
Daytoy ti inbatad ni Gov. Imee Marcos iti naiyuswat a press conference ditoy probinsya.
Kuna na a mapran-praningen ni Fariñas kada Vincent, Simon, Xandro nga annak ti dati a senador agraman ni Sangguniang Panlalawigan Member Matthew Marcos Manotoc.
Atapen ni Gov Marcos na nga isu ti rason no apay a nagpaimbestigar ni Cong. Fariñas iti Kongreso seknan ti maipagarup a misuse of funds.
Inbatad na a dagiti annak ti kabsat na ken ti anak na ti atapen ti diputado a sumaruno a sumrek ti politika.
Mainaig iti daytoy, kuna ni Gov. Marcos a maipagarop a kayat ni Fariñas a pumanaw da amin iti umuna a distrito tapno nawaya ti anak na a ni Sang Panlalawigan member Ria Fariñas nga agpaidasig a para congressman intono 2019 Election.
Innayon na a para kenkuana ket politika ti motibo ti alegasyon a misuse of funds gapu ta amin a pader ti kongreso ket maus-usar kontra ti bassit a probinsya ken dagiti empleyado.
