LAOAG CITY – Indauloan ni Ilocos Norte 1st District Representative Ferdinand Alexander Marcos III ti pannakaisayangkat ti seremonia iti inagurasion iti flood control structure.
Ti nasao a proyekto ket naipasdek iti Daurao Creek iti paset ti Brgy. Pila ditoy siudad ti Laoag.
Mainaig iti daytoy, sapasap a naibunong dagiti 150 a ribu a fingerlings iti nagduduma a klase ti ikan kas ti tilapia, native nga udang, igat ken paltat.
Gagem daytoy a matulungan dagiti awanan ti pamastrekan wenno maipaay a kanayonan a pagbirukan dagiti maseknan a residente.
Babaen iti daytoy, maipasigurado ti seguridad ti taraon dagiti umili iti komunidad.
Kabayatanna, naammoan a nagatendar pay dagiti sumagmamano a Sangguniang Panlungsod Members ken Sangguniang Panlalawigan Members iti nasao a programa.
