LAOAG CITY – Kiniddaw ni Ilocos Norte 1st District Congressman Sandro Marcos iti Department of Public Works and Highways – 1st Engineering District a makitaripnongda iti SM Engineering Department intono bigat, Hunyo 4.
Daytoy ket tapnu kitaenda ti agdama a pannakaaramid ti alternate route nga agturong iti nasao a mall.
Segun iti kongresista, kalikagom da nga agbalin a 24 oras ti trabaho da tapno malpas daytoy iti uneg laeng ti uppat a bolan.
Maipalagip a kalpasan ti panaglukat ti nasao a mall ket immirot ti taray ti trapiko iti airport road gapu kadagiti narwuay a lugan nga agturong iti nadakamat a lugar.
