LAOAG CITY – Nadismaya ni Cong. Sandro Marcos iti maipagarop a pannakausar ti nagan ni First Lady Liza Araneta Marcos ken dati a First Lady Imelda Marcos seknan iti mapapati a panagibunong ti kwarta ditoy ciudad.
Basar iti alegasyon, maipagarop nga agsursursor ti agnagan ti Mr. Ferdinand Macugay kadagiti barangay tapno ibaga nga adda ti ibunong ti pamilya Marcos a kwarta.
Inlawlawag na a daytoy ti inpadanon kenkuana ti ina na no sadinno ket nakapungtot pay.
Inpetteng na nga awan ti kastoy a mapaspasamak ken saan a makibibiang ti First Lady iti pulitika kangrunaan na ditoy Ilocos Norte no diket nakatutok kadagiti nagduduma a programa na.
Mangnamnama ni Cong. Sandro a saan a mairamraman ti nagan ti First Lady ken dati a First Lady ken dagiti nagduduma a banag kangrunaan na iti pulitika a saan met a kumpirmado ken awan ti kinapudno na.
Mainaig iti daytoy, inpetteng ni Macugay nga awan ti kastoy nga ar-aramiden na.
