LAOAG CITY – Nangipaay ni Cong. Sandro Marcos ti tulong para kadagiti nakaro a naapektaran ti didigra ditoy Ilocos Norte.
Segun kenni Marcos, adon dagiti tulong a naipaayen ti opisina na ken dagiti manayonan pay daytoy para kadagiti kaprobinsaan.
Karaman kadagiti nasao a tulong a naipaayen ni Congressman Marcos, ket iti babaen ti AICS a pakabuklan 41,638 a pisos a financial assistance, medical assistance, burial assistance, ken food subsidy.
Inbatad ti congressma a ti food subsidy ket umabot iti 21, 585 a pisos idinto a ti met educational assistance ket 14,820 a pisos, nga addaan ti pakabuklan a 140,679,000 a pisos.
Para met kadagiti pamilya a naapektaran ti dagiti napalabas a didigra iti ili ti Adams ken Pagudpud, naikkan dagiti 2,794 a pamilya ti 5,000 a pisos.
Kuna pay ni Cong. Marcos nga adda ti ipaay da a TESDA scholarships kadagiti agkalikagum nga estudyante no sadinpo ket adda ti 313 a TESDA scholars ti agdama a naka-enroll.
Para met kadagiti labor force ti probinsya, addan ti 806 recipient ti Government Internship Program ti probinsia, idinto nga iti biang ti TUPAD, addan ti 5,739 a recipients, ken ti met DILP Livelihood ket 2,779 recipients.
Iti met medical assistance, addan ti naitulong ti congressman a 316 wenno 9,920,510 a pisos, ken 60,394 a pisos a balor ti food packs ti naibunong sipud idi August agingga iti November 3.
Kabayatanna, kuna pay ti congressman nga ikarkarigata da iti gobernador nga isapulan ti solusyon ti nangina a pagbayad ti kuryente.
