LAOAG CITY – In-inoten nga agsubsubli wenno agluklukaw dagiti nagduduma nga establishimento idiay Congo a naapektaran met ti Covid-19 pandemic.
Segun kenni Bombo International News Corresondent Arnel Batilong idiay Kinshasa, Congo, saan unay nga ado ti kaso ti Covid-19 iti nasao a pagilyan.
Inpakaammo pay ni Batilong a maysa laeng nga ili ti nai-lockdown gapo ta ti Gombe ti lugar a nakaimalditan ti ummuna a kaso ti virus ken ado ti nagpositibo ditoy.
Basar ti kaudian a datos ket umaboten ti 797 ti kumpirmado a kaso iti nasao a pagilyan.
Inbatad na pay nga idiay Gombe ket naipatungpal ti “no work, no pay” ken sumagmamano kadagiti naapektaran iti daytoy ket Pilipino.
Naamoan nga idiay Congo ket addaan ti nasurok a 20 ti Pilipino.
