LAOAG CITY – Ado dagiti nakigtot iti panangisanud ni Ilocos Norte 1st District Rep. Rodolfo Fariñas iti kandidatura na a para senador gobernador ditoy Ilocos Norte.
Iti eksklusibo nga interview ti Bombo Radyo Laoag ken ni Fariñas, idi pay laeng damo ket saannan a kayat ti agkandidato kas gobernador.
Inbatad na nga adda pay dagiti nangal-allukoy kenkuana nga agkandidato a para senador ngem saana nga inawat gapu ta kayat nan ti aginana iti politika.
Innayon ni Fariñas a bilbilangen na laengen ti aldaw na kas kongresista ken kalpasan iti daytoy ket agenjoyen kas pribado nga umili.
Makalaban koma ni Fariñas ni Senior Board Member Matthew Marcos Manotoc iti nasao a posisyon.
