LAOAG CITY Inlawlawag ni Congressman Rudy Fariñas, Majority Leader iti Kamara de Representantes no apay a nangangay iti Press conference.
Kuna na a kayat na laeng nga ilawlawag iti publiko ti rason no apay nga agim-imbestigar da seknan iti maipagarup a saan nga umiso a wagas a panakausar ti pundo ti gobyerno babaen iti binglay dagiti LGU iti R.A. 7171 kas iti gobyerno probinsiyal.
Kunana na ul-uliten nga ibagbaga dagitoy ken uray isaklang da ti libel no saan nga agpaypayso ti ibagbaga na gapu ta adda pammaneknek na iti alegasyon kontra iti gobyerno probinsiyal.
Maipalagip nga inakusaran ti diputado ti gobyerno probinsiyal a saan da a sinurot ti proceso iti panaggatang kadagiti luglugan ken nangina pay ti pannakagatang na a ti naaramat a pundo ket naggapu iti excise ti tabako nga umab-abot iti nasurok nga 66 a million a pisos.
