LAOAG CITY – Inpasigurado ni Congressman Sandro Marcos kadagiti nagduduma nga ili nga ilaban na ti dakdakkel a pondo a mailatang para iti umuna a Distrito iti Ilocos Norte intono 2025.
Inaramid daytoy ni Marcos kabayatan ti panagibunong da ti nagduduma a tulong kadagiti residente iti ili ti Carasi.
Kuna na nga agsubli iti Metro Manila tapno agatendar iti pannakadengngeg ti pondo para iti 2025.
Inbatad pay ti kongresista nga uray saan a kayat dagiti dadduma a kakadwa na iti kamara de representantes ti kalikagom na dakdakkel a pondo iti umuna a Distrito ket saan pulos a sumuko ken nakasagana a makidebate.
Innayon na a ti napateg ket maipaay na dagiti kidkiddawen dagiti residente iti umuna a distrito ditoy probinsya.
