Namnamaen ni Ilocos Norte 1st District Representative Sandro Marcos a malpas ti Patapat-Viaduct bridge sakbay a malpas ti termino ni Presidente Ferdinand Bongbong Marcos Jr.
Segun kenkuana, kinasarita na ni Department of Public Works and Highways (DPWH) Secretary Vince Dizon para iti pannakaileppas ti nasao a proyekto kalpasan nga inbabawi ti kontraktor nga aramiden daytoy gapu ta saan da a kabaelan.
Inpetteng na a saan na nga ipalubos a saan a makompleto ti proyekto sakbay nga agngudo ti termino ni Presidente Marcos.
Maipalagip a ti Patapat-Viaduct Bridge ket maysa kadagiti kangrunaan a proyeko ti 1st District congressional office tapno masolbar ti problema dagiti motorista wenno dagiti agdaliasat nga umili iti lugar no aggidday ti daga manipud iti bantay gapu iti pannakaipalawa ti dalan a kumamang iti daytoy.
