LAOAG CITY – Solbaren ni Ilocos Norte 1st District Representative Sandro Marcos ti nabayagen a problema dagiti taga Barangay Isic-Isic iti ili ti Vintar.
Daytoy ti indanun ni Mr. Ryan Remigio ken ni Mayor Richard Degala iti ili ti Vintar.
Maipalagip a nabayagen a problema dagiti residente iti nadakamat a barangay ti pannakalayos ti Spillway iti paset ti Sitio Bato a dalan da no panawen ti tudtudo.
Iti laeng kallabes ket adda ti maysa a van a naiyanud gapu iti kapigsa ti ayos ti danom iti lugar.
Nagyaman ti mayor ken ni Congressman Marcos gapu ta sidadaan atumulong kadagiti agkasapulan.
Mangnamnama ni Degala a matarimaan ti pagnaan dagiti residente iti Barangay Isic-Isic iti kabiitan a panawen.
