LAOAG CITY – Kinumpirmaran ni PLt. Tolentino Erum, hepe ti PNP-Piddig a maysa a lalaki ti natay kalpasan a nalmes.
Binigbig ni Erum ti biktima a ni Antonio Andres, agtawen ti 33, construction worker, addaan ti live-in partner ken residente iti nasao a barangay.
Kuna ni Erum a basar iti naiyuswat nga imbestigasyon, lumasat iti spillway ti biktima usar ti motorsiklo na.
Nu pay kasta, inbatad na a bayat a dumalysat ti biktima ket naawanan ti kontrol gapu iti napigsa nga ayos ti danom gubuay ti agtultuloy a panagtudtudo.
Gapu iti daytoy, natennag iti karayan ti biktima rason a nalmes.
Immunan nga inpakaammo ti hepe a naggapo iti kabagyan na iti kabangibang a barangay ti biktima ken dita a dimmagas a nakiinom rason nga adda iti impluwensya ti nasanger idi napasamak ti insidente.
Innayun na a pinawilan da nga agawid daytoy gapu iti napigsa a tudo ngem intuloy na latta.
